وانا نستنا في القطار شاءت الأقدار اني نقعد بين زوز سيدات من جيلين مختلفين وبعد طقوس السلفي المقدس تبادلنا شويا حكايات بالطبيعة اولها علاش واحد كيفي يأخذ التران خاطر التران يتعب ( رأي السيدة الأكبر سنا) قلتلها اولا انا متعود بالتران وغيرو من وسائل النقل العمومي وثانيا جرب تسوق آلاف الكيلومترات تو تلقى انو القطار اريح بالإضافة انو خارج أوقات معينة كيف الأعياد والعودة المدرسية الخطوط الحديدية في تونس تعتبر مريحة بالمقارنة ببلدان أخرى ومع ذلك انا نعتقد انو لازم نطور منظومة النقل العمومي أكثر وخاصة ندرس إمكانيات ترشيد استعمالها من قبل المواطن.
الانسة الي بجنبي قالت انو وسائل النقل العمومي مهمة (هي بنت واحد شمينو) وخاصة للبيئة وبدأت تحكيلي على مجموعة تونس تبسكل الي كل اسبوع تعمل خرجة بالدراجات الهوائية منها رياضة منها اكتشاف لحاجات جديدة وكيفاش ولا عندهم قهوة تلمهم في لافايات.
وختمنا الحديث مع السيدة الأخرى بفرحتها بكيفاش في برنامجي ما رضاء الله الا بيضاء الوالدين كنت نتنقل للارياف ونقعد ببساطة مع ضيوف البرنامج وتحسني واحد منهم جاوبتها : للا انا بالفعل واحد منهم
وجاء وقت خروج القطار الي عكس اعتقاد العديد خرج في وقتو لكن الإعلام ما يعتبرش هذا خبر ويلوج كان على الأمور المتأخرة.
ربي يحفظكم وربي يحفظ تونس

 

 

Load More Related Articles

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Check Also

Slah Grichi: « Tounès fi 3nayya » de Nizar Chaâri

« Tounès fi 3nayya » de Nizar Chaâri Au-delà d’un coup de coeur Âsslama chers amis. Ce n’e…